- Galdesorta online dago eskuragarri Lazkaoko Udalaren webgunean, esteka honetan: https://labur.eus/SanPrudentzioak2024Inkesta.
- Inkesta osatzeko epea abenduaren 15era arte egongo da zabalik, egun hori barne.
Lazkaoko Udalak hasiera eman die 2024ko San Prudentzio jaietarako prestaketei, Jai Batzordearekin elkarlanean. Prozesu horren barruan, inkesta bat egin da herritarrei zuzenduta, datorren urteko jaietako egitaraua aberasteko. 2024ko jaiak apirilaren 26tik maiatzaren 1era izango dira eta Lazkaomendikoak maiatzaren 3tik 5era.
Lazkaotarren parte-hartzea funtsezkoa da herritar guztien interes eta lehentasunak islatzen dituzten jaiak bermatzeko. Galdetegi honen bidez, jaiekin lotutako hainbat alderdiri buruzko iritziak eta iradokizunak batu nahi dira, baita nahi diren jarduerei eta musika talde gogokoenei buruzkoak ere.
Galdesorta Lazkaoko Udalaren webgunean dago eskuragarri esteka honetan: https://labur.eus/SanPrudentzioak2024Inkesta. Herritarren parte-hartze aktiboa funtsezkoa da 2024ko San Prudentzio Jaiak herritarren nahien eta lehentasunen isla fidela izan daitezen bermatzeko.
Inkesta osatzeko epea abenduaren 15era arte egongo da zabalik, egun hori barne.
Udalak aldez aurretik eskertzen du herritarren laguntza eta inkesta honetan parte hartzera animatzen ditu lazkaotar guztiak, herriko jaiak planifikatzen laguntzeko.
